काठमाडौं । आज चन्द्रागिरी हिल्स लिमिटेड, अपर हेवाखोला हाइड्रोपावर, नेशनल बैकिङ्ग ईन्ष्टिच्युट र सामलिङ्ग पावर कम्पनीले वार्षिक साधारण सभा गर्दैछन् ।
चन्द्रागिरी हिल्स लिमिटेडले आगामीे १३ औं वार्षिक साधारण सभा कम्पनीको कार्यालय थानकोट परिसरमा बिहान ११ बजे सभा गर्ने निर्णय गरेको छ । सभाले गत आर्थिक वर्षसम्मको वार्षिक प्रतिवेदनसहित वित्तीय विवरणहरू पारित गर्नुका साथै चालू आर्थिक वर्षको लागि लेखापरीक्षकको नियुक्ति र निजको पारिश्रमिक निर्धारणको विषयलाई पनि टुंग्याउनेछ । साथै संस्थापक शेयरधनीको तर्फबाट सञ्चालक समितिमा प्रतिनिधित्व गर्ने सञ्चालकहरूको निर्वाचनसमेत सभाले गर्नेछ ।
अपर हेवाखोला हाइड्रोपावर कम्पनी लिमिटेडले ११औं वार्षिक साधारण सभा युनियन हाउस अनामनगर, काठमाडौंमा बिहान ११ बजे शुरू गर्ने निर्णय गरेको छ । सभाले गत आर्थिक वर्ष ०७८/७९ सम्मको वार्षिक प्रतिवेदनसहितका वित्तीय विवरणहरू पारित गर्नुका साथै चालू आर्थिक वर्षको लागि लेखापरीक्षकको नियुक्ति र निजको पारिश्रमिक निर्धारणको विषय टुंगो लगाउनेछ ।
सामलिङ्ग पावर कम्पनीले ज्वागल ब्यांक्वेट ललितपुरमा बिहान १० बजे साधारण सभा शुरू गर्ने जानकारी दिएको छ । सभाले आर्थिक वर्ष २०७८/७९ को वार्षिक प्रतिवेदनउपर छलफल गरी पारित गर्नुका साथै, आव २०७८/७९ को लागि लेखापरीक्षकको नियुक्ति र निजको पारिश्रमिक निर्धारण गर्ने प्रस्ताव पनि पारित गर्नेछ ।
्कम्पनीले साधारण सभा प्रयोजनको लागि पुस ७ गते बुक क्लोज गरिसकेको छ । यस बुक क्लोजको आधारमा पुस ६ गतेसम्म कायम शेयरधनीले मात्र साधारण सभामा भाग लिन पाउनेछन् ।
शनल बैकिङ्ग ईन्ष्टिच्युट लिमिटेडको चौधौं वार्षिक साधारण सभा पुस २१ गते हुने भएको छ । सभा यलफ्ट काडमाडौंमा दिउँसो ४ बजे गर्ने ईन्ष्टिच्युटले जनाएको छ ।
सभाले हाल कायम चुक्ता पूँजीको ५ प्रतिशत नगद लाभांश९कर बाहेक० वितरण गर्ने प्रस्ताव पारित गर्नेछ । साथै सभाले आर्थिक वर्ष २०७८/७९ को वार्षिक प्रतिवेदन छलफल गरी पारित गर्ने प्रस्ताव पारित गर्नेछ ।
त्यसैगरी सभाले आर्थिक वर्ष २०७९/८० को लागि लेखापरिक्षकको नियुक्ती र निजको पारिश्रमिक निर्धारण गर्ने प्रस्ताव पनि पारित गर्नेछ ।
