काठमाडौं । नेपाल राष्ट्र बैंकले २० अर्ब २५ करोड बराबरको ट्रेजरी बिल जारी गर्ने भएको छ । राष्ट्र बैंकले २८ दिन, ९१ दिन र १ वर्षको लागि ट्रेजरी बिल जारी गर्न लागेको हो । मंगलबार जारी हुने यस ट्रेजरी बिलका लागि आज दिउँसो २ बजे बोलकबोल हुनेछ ।
राष्ट्र बैंकले २८ दिनको लागि ५ अर्ब बराबरको ट्रेजरी जारी गर्न लागेको हो । यस ट्रेजरी माघ १७ गते परिपक्व हुनेछ । त्यस्तै ९१ दिनको लागि ७ अर्ब ७५ करोडको ट्रेजरी जारी गर्न लागिएको छ ।
यस ट्रेजरी चैत २१ गते परिपक्व हुनेछ । १ वर्षको लागि ७ अर्ब ५० करोड बराबरको ट्रेजरी बिल जारी गरिँदैछ । यो ट्रेजरी २०८० पुस १७ गते परिपक्व हुनेछ ।
ट्रेजरी बिल १ वा १ वर्षभन्दा कम अवधिको आन्तरिक ऋण उठाउन प्रयोग गरिने अल्पकालीन सरकारी ऋणपत्र हो ।
