काठमाडौं । इष्टर्न हाइड्रोपावर लिमिटेडले पुस ३० गते वार्षिक साधारण सभा गर्ने भएको छ । कम्पनीको पुस ८ गतेको सञ्चालक समितिको बैठकले होटल हार्दिक बागबजार, काठमाडौंमा विहान ८ बजे सभा गर्ने निर्णय गरेको हो ।
सभाले गत आर्थिक वर्ष ०७८/७९ को वार्षिक प्रतिवेदन सहितका वित्तीय विवरण पारित गर्नुका साथै चालू आर्थिक वर्षको लागि लेखापरिक्षक नियुक्ती र निजको पारिश्रमिक निर्धारण गर्ने प्रस्ताव पारित गर्नेछ ।
सभाले सर्वसाधारण समूहबाट प्रतिनिधित्व गर्ने एक जना सञ्चालकको निर्वाचन गर्ने र सञ्चालक समितिमा एक जना महिला अनिवार्य रहने गरी नियमावली संशोधन गर्ने लगायतका प्रस्ताव पारित गर्नेछ ।
कम्पनीले गत असोजमा सर्वसाधारणका लागि आइपीओ जारी गरेको थियो । कम्पनीले भोजपुर जिल्लामा ५ मेगावाट क्षमताको पिखुवा खोला जलविद्युत आयोजना निर्माण सम्पन्न गरी २०७६ साल जेठ २७ गतेदेखि विद्युत उत्पादन गर्दै आएको छ ।
