काठमाडौं । छिमेकी मुलुक चीनमा कोभिड–१९ को नयाँ भेरियन्ट देखा परेको छ । यससँगै नेपाली जनतालाई सजग रहन गृह मन्त्रालयले अनुरोध गरेको छ ।
पछिल्लो समय नेपालमा कोरोना भाइरसको संक्रमण कम हुँदै गएको अवस्था छ । तर विश्वका विभिन्न मुलुकमा भने नयाँ नयाँ भेरियन्ट देखा पर्ने क्रम जारी रहेको छ । जुन भेरियन्टको संक्रमण नेपालमा पनि फैलिन सक्ने भन्दै सजग रहन गृह मन्त्रालयले सूचना जारी गरेको छ । मन्त्रालयले जिल्ला सुरक्षा समिति, स्वास्थ्य कार्यालय, स्थानीय तहहरु लगायत सरोकारवालाहरुलाई स्वास्थ्य प्रोटाकल पालना गर्ने व्यवस्था मिलाउन निर्देशन जारी गरेको छ ।