काठमाडौं । नेपाल क्लियरिङ्ग हाउसले पुस २८ गते साधारणसभा आह्वान गरेको छ। कम्पनीले होटेल क्राउन इम्पेरीयलमा साधारणसभा आयोजना गर्ने जनाएको छ । कम्पनीले आर्थिक वर्ष २०७८/७९ को मुनाफाबाट ३८ प्रतिशत बोनश शेयर र २ प्रतिशत नगद गरि कुल ४० प्रतिशत लाभांश प्रस्ताव गरेको छ । कम्पनीको साधारण सभाले उक्त प्रस्ताव पारित गर्नेछ ।
सभाले सञ्चालक समितिको आर्थिक वर्ष २०७८ / ७९ को प्रतिवेदन पारित गर्ने, लेखा परीक्षण प्रतिवेदन सहितको २०७९ आषाढ मसान्त सम्मको वासलात तथा सोही मितिमा समाप्त आर्थिक वर्ष २०७८ /७९ को नाफा नोक्सान हिसाब तथा नगद प्रवाह विवरण स्वीकृत गर्नेछ ।
सभाले आर्थिक वर्ष २०७९/८० को लागि लेखा परीक्षकको नियुक्ति तथा निजको पारिश्रमिक निर्धारण गर्ने,बोनश शेयरपछि राउन्ड गर्दा हुन आउने २१,५७,१२२ कित्ता) स्वीकृत गर्ने तथा सोही बमोजिम चुक्ता पूँजी वृद्धि गर्न प्रबन्धपत्रको संशोधन स्वीकृत गर्ने प्रस्ताव पारित गर्नेछ ।
सभाले प्रस्तावित संशोधनमा नियमनकारी निकायहरुबाट कुनै फेरबदल वा सुझाव आएमा आवश्यक फेरबदल गर्न कम्पनीको सञ्चालक समिति वा सञ्चालक समितिले तोकेको कुनै पदाधिकारीलाई अधिकार प्रत्यायोजन गर्ने अख्तियारी दिने प्रस्ताव पारित गर्नेछ ।
