काठमाडौं । शेयर बजार घट्ने क्रम आज पनि रोकिएन । सोमबार दोहोरो अंकको सुधार देखिए पनि मंगलबार उक्त सुधारले निरन्तरता पाउन सकेन । आज बुधबार ४.०७ अंकले घटेको छ । सूचक सँग कारोबार रकम पनि ६९ करोडमा सिमित भएको छ ।
बैंकिङ तरलता अझै समाधान नहुने चर्चा सँगै शेयर बजारले सुधारको गति लिन नसकेको हो । यदि यहि हिसावले तरलता अभाव हुँदै जाने हो भने आगामी महिना पनि बैकहरुका लागि थप समस्या बन्नेछ । अहलेको आर्थिक संकटको अवस्था कहिलेसम्म रहन्छ भन्ने टुङ्गो छैन । त्यसैले बैंक तरलताको सुधार र आर्थिक संकटबाट देश सम्मुन्ती तर्फ अगाडी बढ्ने संकेत देखा नपरेसम्म बजारले गति लिने देखिदैन ।
आज १०८ कम्पनीको शेयर मूल्यमा गिरावट आउदा ८१ वटाको सुधार भएको छ । हिजो मंगलबार सुधारदेखिएका सूचकमा आज गिरावट देखिन्छ । यसरी एक दिन सुधार भएका कम्पनी तथा सूचकमा भोलिपल्टै गिरावट हुने र गिरावट भएका सूचक तथा कम्पनीमा सुधार हुने अवस्थाले लगानीकर्ताको मनोबल गिराइरहेको छ ।
आज पनि सिवाइसी लघुवित्तको शेयरमा सकारात्मक सर्किट लागेको छ । संस्थाको शेयर मूल्य २२६ रुपैयाँले बढेर २४८६ रुपैयाँ कामय भएको छ । त्यस्तै पिपुल्स हाइड्रोपावरको शेयर मूल्यमा भने नकारात्मक सर्किट लागेको छ । आज सबैभन्दा धेरै नेपाल टेलिकम र कृषि विकास बैंकको शेयर मूल्यमा सुधार आएको छ ।