काठमाडौं । नागरिक लगानी कोषले १ अर्ब २५ करोड २२ लाख रुपैयाँ रकम मुद्दती निक्षेपमा लगानी गर्ने भएको छ । कोषले नेपाल राष्ट्र बैंकबाट क वर्गको इजाजतपत्र प्राप्त क वर्गको बैंकमा १ वर्षे मुद्दतीमा लगानी गर्न ईच्छुक भएकाले उक्त बैंक तथा वित्तीय संस्थाबाट लिन चाहेको रकम ब्याजदर तथा ब्याज भुक्तानी गर्ने समयाबधी उल्लेख गरी आज मंसिर २७ गते दिउँसो १ बजेभित्र लाहाछाप सहित सिलबन्दी प्रस्ताव बुझाउन कोषले आग्रह गरेको छ ।
