काठमाडौं । त्रिभुवन विश्वविद्यालयले २०६९ देखि अवधी नाघेका विद्यार्थीका लागि मौका परिक्षाको व्यवस्था गरेको छ ।
विश्वविद्यालयले विज्ञान तथा प्रविधि अध्ययन संस्थान अन्तर्गत सेमेष्टर परीक्षा प्रणाली अनुसार संचालन भएको चार वर्षे स्नातक तह कम्प्युटर विज्ञान तथा सूचना प्रविधि विषय अध्ययन गरी उत्तिर्ण हुन नसकेका विद्यार्थीका लागि उक्त मौका परीक्षाको व्यवस्था गरेको हो ।
प्राज्ञिक परिषदले २०७९ मंसिर २५ गते मौका परीक्षा संचालन गर्न विश्वविद्यालय समक्ष पत्र बुझाएको थियो । सोहि पत्र अनुसार कम्प्युटर विज्ञान तथा सूचना प्रविधि विषय प्रथम वर्ष प्रथम शत्रदेखि चौथो वर्ष आठौं शत्रसम्मका विद्यार्थीले एक पटकका लागि मौका परीक्षा दिन पाउने भएका छन् । परीक्षार्थीले परीक्षा आवेदन फारम २०७९ माघ १६ गतेसम्ममा बुझाउनुपर्ने छ ।
