काठमाडौं । चम्पावती हाइड्रोपावर लिमिटेडले १३ औं वार्षिक साधारण सभा पुस ९ गते गर्ने भएको छ । कम्पनीको मंसिर १० गतेको सञ्चालक समितिको बैठकले केन्द्रीय कार्यालय, काठमाडौंमा बिहान ११ बजे सभा गर्ने निर्णय गरेको हो ।
सभाले गत आर्थिक वर्ष ०७८/७९ सम्मको वार्षिक प्रतिवेदन सहितका वित्तीय विवरणहरू पारित गर्नुका साथै सर्वसाधारणमा आइपीओ जारी गर्ने प्रस्तावलाई समेत अनुमोदन गर्ने जनाएको छ ।
साथै सञ्चालक समितिको गठन गर्ने प्रस्ताव समेत सभका लागि तय भएको छ । आइपीओ जारी गर्ने प्रस्ताव गरेको कम्पनीले अधिकृत तथा जारी पूाजी बृद्धि गर्ने प्रस्ताव समेत गरेको छ । यसका लागि प्रबन्धपत्र तथा नियमावली संशोधनका सम्बन्धमा समेत सभाले आवश्यक निर्णय गर्ने जनाएको छ ।
सभाले गत आर्थिक वर्षको नाफा नोक्सान, हिसाब, नगद प्रवाह लगायतका प्रस्ताव पारित गर्नेछ । लेखापरीक्षकको नियुक्ति र नीजको पारीश्रमिक निर्धारण गर्ने लगायतका प्रस्ताव पारित गर्ने जनाएको छ ।
यस कम्पनीले गोरखा र लमजुङ जिल्लामा पर्ने चेपे नदीको पानी उपयोग गरी ७ मेगावाट क्षमताको चेपे ए जलविद्युत आयोजना निर्माण निर्माण गरिरहेको छ ।
