काठमाडौं । नेपाली शेयर बजार आज पनि बढेको छ । आज नेप्शे परिसूचक २५ दशमलव ५७ अंकले बढेर १९३६ दशमलव ८३ को विन्दुमा कायम भएको छ । आज कुल १ अर्व ७१ करोड ५४ लाख १९ हजार रुपैयाँको शेयर कारोबार हुँदा सबैभन्दा धेरै सिक्लेस हाइड्रोपावरका लगानीकर्ताले कमाएका छन् । आज सिक्लेस हाइड्रोपावरको शेयरमा सकारात्मक सर्किट लाग्दा प्रति शेयर मूल्य ३८८ रुपैयाँ कायम भएको छ ।
यसैगरी सयपत्रि हाइड्रोपावरको शेयर ९ दशमलव ९९ प्रतिशतले बृद्धि भई प्रति शेयर मूल्य ३४७ रुपैयाँ कायम भएको छ । यसैगरी आज बोटलर्स नेपाल लि.को शेयर ७ दशमलव ५१ प्रतिशतले बृद्धि भई प्रति शेयर मूल्य १२ हजार ७ सय रुपैयाँ कायम भएको छ । साथै रिडि पावर कम्पनीको शेयर ६ दशमलव ३ प्रतिशतले बृद्धि भई प्रति शेयर मूल्य ५१२ रुपैयाँ कायम भएको छ ।
