काठमाडौं । अरुण कावेली पावरको साधारणसभा सम्पन्न भएको छ । कम्पनीले साधारणसभा प्रयोजनका लागि गत १८ गते बुक क्लोज गरेको थियो ।
यस साधारणसभाले गत आर्थिक वर्ष २०७८/७९ को सञ्चित मुनाफाबाट १० प्रतिशत बोनस शेयर दिने प्रस्ताव स्वीकृत गरेको छ । कम्पनीको चुक्ता पूँजी एक अर्ब ८५ करोड रुपैयाँ रहेको छ ।
कम्पनीको साधारणसभाले नयाँ सञ्चालक समिति चयन गरेको छ । जसमध्ये अध्यक्षमा गुरुप्रसाद न्यौपाने चयन भएका छन् भने संचालक समितिका लागि रमेशप्रसाद न्यौपाने, जीवनराज शाक्य, सलिन नेपाल र साश्वस नेपाल चयन भएका छन् ।
