काठमाडौं । आज शेयर बजार घटेको छ । आज नेप्से परिसूचक ६ दशमलव ५९ अंकले घटेर १,८९७ दशमलव ८६ को विन्दुमा कायम भएको छ । आज दिनभरिमा २२९ कम्पनीको २७ लाख ४५ हजार १०९ कित्ता शेयर किनबेच हुँदा १ अर्ब २ करोड ३६ लाख रुपैयाँको शेयर कारोबार भएको छ । आज सबैभन्दा धेरै हिमालयन डिष्टिलरीको कारोबार भएको छ । आज कम्पनीको ८ करोड २२ लाख रुपैयाँको शेयर कारोबार भएको छ ।
त्यस्तै, आज नेपाल लाइफ इन्स्योरेन्स कम्पनीको ६ करोड ४ लाख रुपैयाँको शेयर कारोबार भएको छ । नेपाल टेलिकमको ४ करोड ६७ लाख रुपैयाँको शेयर कारोबार भएको छ । शिवम् सिमेन्टको ४ करोड ४८ लाख रुपैयाँको शेयर कारोबार भएको छ ।
