काठमाडौं । सानिमा लाइफ इन्स्योरेन्स कम्पनीले बीमितहरुलाई दिँदै आएको बीमालेख धितो कर्जाको व्याजदर परिवर्तन भएको छ । कम्पनीले एक सुचना जारी गर्दै कम्पनीबाट विभिन्न मितिमा बीमा गराई बीमालेख धितो राखी कर्जा लिएका बीमित र प्रस्तावकहरुको कर्जामा लिइदै आएको व्याजदर परिमार्जन गरी १२ प्रतिशत कायम गरेको बताएको छ ।
उक्त परिमार्जित व्याजदर कार्तिक १ गतेदेखि लागु भइसकेको कम्पनीले जनाएको छ । आफुले लिएको उक्त कर्जाको व्याजदर पनि समयमै भुक्तानी गर्न कम्पनीले आग्रह गरेको छ । थप जानकारीको लागि नजिकैको शाखा तथा उप शाखा कार्यालयमा सम्पर्क गरी बुझन कम्पनीले भनेको छ ।
