काठमाडौं। अहिले सानिमा क्यापिटलले सानिमा ग्रोथ फण्डको इकाईहरु प्राथमिक बजारमा निष्काशन गरिरहेको छ। प्रति इकाई १० रुपैयाँ अंकित मूल्यमा कम्पनीले १२ करोड इकाई निष्काशन गर्न लागेको हो । कार्तिक १६ गते देखि सुरु भएको इकाई बिक्री कार्तिक २० गते सम्म चल्ने छ। यदी सो समयसम्म पनि माग बमोजिम आवेदन नपरेमा कार्तिक ३० गतेसम्म समय थप हुने छ ।
कम्पनीले यस अघि निष्काशन गरेका म्युचुअल फण्डलाई हेर्दा अहिले दोश्रो बजारमा राम्रो प्रस्तुती गर्न सकेको छैन । सानिमा इक्वीटी फण्ड अहिले दोश्रो बजारमा ९ रुपैयाँ ९६ पैसामा कारोवार भएको छ भने अर्को फण्ड सानिमा लार्ज क्याप फण्ड ७ रुपैयाँ २६ पैसामा कारोवार भएको छ ।
यसरी प्राथमिक बजारमा प्रति इकाई १० रुपैयाँ लगानी गरेर दोश्रो बजारमा सो भन्दा तल मूल्य आउँदा प्राथमिक बजारका लगानीकर्तालाई निकै ठूलो घाटा भएको छ ।
असोज मसान्तसम्मको न्याभ रिपोर्टको आधारमा हेर्दा सानिमा लार्ज क्याप फण्ड ४ करोड ३९ लाख नोक्सानीमा रहेको छ भने सानिमा इक्वीटी फण्ड करिव १० करोड नोक्सानीमा छ ।
