काठमाडौं। व्यापारिक तथा औद्योगिक समूह रमेश कर्पले नेपालमै भारतको प्रसिद्ध कजरिया ब्राण्डको टायल्स नेपालमै उत्पादन गर्ने भएको छ ।
रमेश कर्पले सिरामिक र भिट्रिफाइड टायल्स उत्पादनको लागि कजारिया सिरामिक्स लिमिटेडसँग संयुक्त लगानीका लागि हालै सम्झौता गरेको छ।
कजारिया सिरामिक्सले टायल्स उत्पादनको लागि १ अर्ब २५ करोड भारु(२ अब नेपाली रुपैयाँ) लगानी गर्न सहमति जनाएको छ।
रमेश कर्पोरेशन, नेपालसँग आबद्ध विभिन्न व्यक्तिसँग साझेदारीमा नेपालमा उत्पादन सुविधा स्थापना गर्न इक्विटी र/वा ऋण मार्फत लगानी गरिने भारतीय मिडियाले उल्लेख गरेका छन्।
कजरिया सेरामिक्सका अनुसार नेपालमा प्रस्तावित प्लान्टको वार्षिक क्षमता ८० लाख वर्ग मिटर (एमएसएम) हुनेछ ।
नेपालमा टायल्सको ठूलो बजार भएपनि अधिकांश भारत र चीनबाट नै आयात हुँदै आएको छ। नेपालमा हालसम्म बाराको जीतपुर सिमरा- ८ इमली पर्तीटोलमा नेपाल सेरामिक इन्डस्ट्रिज टायल्स मात्र संचालनमा रहेको छ । गत बैशाख देखि संचालनमा आएको यो उद्योगमा एक अर्ब रुपैयाँ लगानी भएको छ।
