काठमाण्डाैं । घरेलु बजारमा बिक्री बढेपछि भारतीय बहुर्राष्ट्रिय कम्पनी डाबर नेपालकाे नाफा करिब ८३ प्रतिशतकाे उल्लेखनीय वृद्धि भएकाे छ । डाबर इण्डियाले प्रकाशन गरेकाे आर्थिक वर्ष २०२१- २२ (१५ चैत्र २०७७ देखि १७ चैत्र २०७८ सम्म) काे वार्षिक प्रतिवेदन अनुसार डाबर नेपालले एक वर्षकाे अवधिमा भारु ७७ कराेड(१ अर्ब २३ कराेड २० लाख रुपैयाँ )भन्दा बढी नाफा कमाएकाे छ ।
वीरगंज पथलैया राजमार्ग खण्डकाे पर्सा र बाराकाे सीमाना परवानीपुरमा अवस्थित डाबर नेपालले आर्थिक वर्ष २०२०-२१ (चैत्र २०७६ देखि चैत्र २०७७ सम्म) भारु ४२ कराेड ५३ लाख (६८ कराेड ४ लाख रुपैयाँ ) खुद नाफा आर्जन गरेकाे थियाे । नेपालबाट प्रात भएकाे गत आवकाे नाफा रकम माउ कम्पनी डाबर इण्डियाकाे त्यस वर्षकाे कूल नाफा रकमकाे ४.३५ प्रतिशत हिस्सा ओगटेकाे छ । डाबर नेपालमा ९७.५ प्रतिशत भारतीय कम्पनीकाे पूँजी लगानी रहेकाे छ ।
डाबर नेपालले जडिबुटी तथा जुस भारतीय बजारमा समेत निकासी गर्दै आएकाे छ । डाबरका लागी दक्षिण एशियाली मुलुक नेपाल श्रीलंका बंगलादेश र म्यान्मार मध्ये नेपाल सबैभन्दा नाफामूलक बजार हाे । नेपाली बजारमा डाबर नेपालले जुस, चकलेट, पाचक, साैन्दर्य सामाग्री लगायतकाे उत्पादन र बिक्री वितरण गर्छ । यसबाहेक ठाउँ ठाउँमा जडिबुटी खेती समेत गरिरहेकाे छ ।
