काठमाडौं । युनिलिभर नेपाल लिमिटेडले शेयरधनीलाई शेयर अभौतिकीकरण गरी बैंक खाता अद्यावधिक गर्न आग्रह गरेको छ । कम्पनीले गत वर्ष जस्तै यस वर्ष पनि नगद लाभांश शेयरधनीको हितग्राही खातामा उल्लेख भएको बैंक खातामा इन्टर बैंक पेमेन्ट सिस्टम मार्फत रकम भुक्तानी गर्नका लागि शेयर अभौतिकीकरण गरी बैंक खाता अद्यावधिक गर्न आग्रह गरेको हो ।
शेयर अभौतिकीकरण गरी हितग्राही खाता खोलीसकेको शेयरधनीहरुले आफ्नो बैंक खाता उल्लेख गरी अद्यावधिक गर्नुपर्नेछ । हालसम्म पनि भौतिक रुपमा शेयर धारण गरेको शेयरधनीहरुले हितग्राही खाता खोली आफ्नो शेयर अभौतिकीकरण गराउनुपर्नेछ ।
शेयरधनीहरुले शेयर अभौतिकीकरण गरी हितग्राही खाता खोलेपछि मात्र लाभांश रकम प्राप्त हुने हुँदा हितग्राही खाता नभएका शेयरधनीले शेयर रजिष्ट्रार सन्राइज क्यापिटल लिमिटेड कमलपोखरी वा अन्य कुनै पनि निक्षेप सदस्यमा हितग्राही खाता खोल्न कम्पनीले भनेको छ ।
