काठमाडौं । आज आइतबार सुनको भाउमा वृद्धि भएको छ । आज सुन तोलामा ३ हजार रुपैयाँले बढेको हो । दशैँ बिदा अगाडी तोलाको ९३ हजार रुपैयाँमा कारोबार भएको छापावाला सुनको भाउ आज तोलामा ३ हजार रुपैयाँले बढेर प्रतितोला ९६ हजार रुपैयाँमा कारोबार भइरहेको छ ।
त्यस्तै आज तेजाबी सुनको भाउ पनि प्रतितोला ३ हजार रुपैयाँले नै बढेर ९५ हजार ५ सय रुपैयाँमा कारोबार भइरहेको छ । आज चाँदीको भाउ पनि प्रतितोला ८५ रुपैयाँले बढेर तोलाको १ हजार २ सय ५५ रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
