काठमाडौं । नेप्से परिसूचक दशैँ अघि थोरै समालिन खोजेको थियो । अघिल्लो साता लगातार तीन कारोवार दिन बजार वृद्धि भएर बन्द भएको थियो । बजार १८५३ मा बन्द भएको छ ।
बजार दशैँ अघि बन्द हुँदा निकै राम्रो इतिहास र ब्लु चिप स्टकको “ट्याग” पाएका कम्पनीहरुपनि एक वर्षकै न्यून विन्दुमा कारोवार भएको देखिन्छ । अहिले नेपाल लाइफ इन्स्योरेन्सको शेयर मूल्य ५२ हप्ता कै न्यून विन्दुमा आएको छ । नेपाल लाइफ इन्स्योरेन्सको शेयर मूल्य रु. ५७७ रुपैयाँमा बन्द भएको छ ।
त्यस्तै दोश्रोमा बरुण हाइड्रोको शेयर मूल्य ५२ हप्ताको न्यून विन्दुमा पुगेको छ। बरुणको शेयर मूल्य रु. २१० दशमलव ५० रहेकोमा कम्पनीको ५२ हप्ताको न्यून विन्दु रु. २१० रुपैयाँ रहेको छ । तेश्रोमा रिडी पावर पनि ५२ हप्ताकै न्यून विन्दुमा रहेको छ।
निरन्तर लाभांश दिदैँ आएको र आकर्षक लाभांश दिने कम्पनीको छवि बनाएको नेपाल टेलिकमको शेयर मूल्य पनि ५२ हप्ता कै न्यून विन्दुमा रहेको छ । टेलिकमको शेयर मूल्य अहिले ८१० रुपैयाँ रहेको छ भने कम्पनीको ५२ हप्ताको न्यून मूल्य ८०३ रुपैयाँ रहेको छ ।
