काठमाडौं । सिटिजन लाइफ इन्स्योरेन्स कम्पनीले संस्थापकहरु सँग आह्वान गरेको ५० प्रतिशत पूँजी थप्ने म्याद बढाएको छ । कम्पनीले असोज ७ गते भित्र विध्यमान संस्थापकहरुलाई ५० प्रतिशत पूँजी थप गर्न आह्वान गरिएको थियो । तर अहिलेसम्म पनि माग बराबरको पूँजी नजुटेपछि कम्पनीले असोज २६ गतेसम्म समय थप गरेको हो ।
शेयरधनीले आफ्नो हक बराबरको पूँजी कम्पनीको केन्द्रिय कार्यालय टेकु, नेपाल इन्भेष्टमेन्ट बैंक, कुमारी बैंक, हिमालयन बैंक र सानिमा बैंकमा जम्मा गर्न सक्ने छन् ।
कम्पनीको हालको चुक्ता पूँजी एक अर्ब ७५ करोड रुपैयाँ रहेको छ । अहिले आह्वान गरिएको ५० प्रतिशत पूँजी थप पश्चात चुक्ता पूँजी २ अर्ब ६२ करोड रुपैयाँ पुग्नेछ । कम्पनीले सर्वसाधारणका लागि यहि पूँजीका आधारमा ३० प्रतिशत आइपिओ निष्काशन गरे पश्चात तीन अर्ब ७५ करोड रुपैयाँ पुग्नेछ । यस पछि ५ अर्बका लागि एक अर्ब २५ करोड पुग्ने छैन । कम्पनीले उक्त पूँजी बोनस शेयर दिएर पुर्याउने योजना बनाएको छ । यसरी कम्पनीले मर्जर नगरी आफैले पूँजी जुटाउने लक्ष्य लिएको छ ।
कम्पनीले अहिले पनि प्रिमियममा आइपिओ निष्काशन गर्ने योजना बनाएको छ । संस्थापकहरु सँग पूँजी जुटाए पछि यदि प्रिमियममा आइपिओ निष्काशन गर्न सकियो भने प्रिमियम मार्फत सजिलै ५ अर्ब जुटाउन सकिने दाउमा सिटिजन छ । यस अगाडी पनि प्रिमियममा आइपिओ निष्काशन गर्ने योजना बनाउद बनाउदै बीमा समितिले पूँजी बृद्धि गर्यो । जसले गर्दा पहिलाको योजना भन्दा फरक हिसावले पूँजी बढाउनु पर्यो ।
