बजार १९०० तल आएसँगै धेरै कम्पनीहरुको मूल्य ५२ हप्ताको न्यून विन्दुमा (सूची सहित)

काठमाडौं । नेप्से परिसूचक पुन १९०० को विन्दु तल आएको छ । असोज २ गते नेप्से परिसूचक करिव ३४ अंक घट्दै १८७६ को विन्दुमा पुगेको छ ।

शेयर बजार निरन्तर घटेको कारणले गर्दा अहिले धेरै कम्पनीको शेयर मूल्य ५२ हप्ताको मूल्यको सेरोफेरोमा कारोवार भएका छन् । असोज २ गतेको बजार मूल्यलाई हेर्दा माछापुछ्रे बैंक, समिट लघुवित्त, मिथिला लघुवित्त, निफ्रा, ग्रीनलाइफ हाइड्रो र अरुण हाइड्रो ५२ हप्ताको न्यून विन्दुमै छन् ।

त्यस्तै ५२ हप्ताको न्यून विन्दु भन्दा १ प्रतिशतसम्म मात्र बढी बजार मूल्य भएका २८ कम्पनीहरुका शेयर रहेका छन् भने ५२ हप्ताको न्यून विन्दु भन्दा २ प्रतिशतसम्म मात्र धेरै बजार मूल्य भएका ४१ कम्पनीहरुका शेयर रहेका छन् ।

व्याज दर वृद्धिको प्रभाव नेपाली दोश्रो बजारमा परेको छ । असोज १ गते पश्चात केही बैंकहरुले रेमिटेन्स मुद्दती खातामा १५ प्रतिशत माथि र सबै बैंकले साधारण मुद्दती खातामा १२ प्रतिशत माथि व्याज दिने भएका छन् । बैंकहरुले निक्षेपको व्याज दरलाई वृद्धि हुन नदिने भद्र सहमति तोडेसँगै बजार निरन्तर घटेको छ । बजार घट्न थालेको लगातार तीन कारोवार दिन भएको छ । कम्पनीहरुको शेयर मूल्य ५२ हप्ताको न्यून मूल्य तिर आउनु भनेको बजार निकै धेरै घटेको बुझ्न सकिन्छ ।

एक वर्ष अघि भदौ महिनाको सुरुवाती दिनमा बजारले ३२०० को उच्च विन्दुसम्म पुगेको थियो । त्यस यता बजार बियरिस प्रवित्तिमा देखिएको छ ।