काठमाडौं । नेपाली बजारमा आज सुनको मूल्य तोलामा १०० रुपैयाँ र चाँदीको भाउ तोलामा १५ रुपैयाँले बढेको छ । हिजो बिहीबार सुन तोलामा ८०० रुपैयाँ र चाँदी तोलामा २५ रुपैयाँले बढेको थियो ।
नेपाल सुनचाँदी व्यवसायी महासंघका अनुसार आज छापावाल सुनको मूल्य ९३ हजार ९ सय रुपैयाँमा कारोबार भइरहेको छ । तेजावी सुनको भाउ प्रतितोला ९३ हजार ४०० रुपैयाँमा कारोबार भइरहेको छ । आज चाँदीको भाउ प्रतितोला १ हजार १५० रुपैयाँ कारोबार भइरहेको छ ।
हिजो बिहीबार छापावाल सुन ९३ हजार ८०० रुपैयाँ, तेजावी सुन ९३ हजार ३०० रुपैयाँ र चाँदी प्रतितोला १ हजार १३५ रुपैयाँमा कारोबार भएको थियो ।
