काठमाडौं । एमडिआरटीले पहिलो पटक एशियालीलाई प्रेसिडेन्टमा नियुक्त गरेको छ । एमडिआरटीले ९७ औ प्रेसिडेन्टमा ताइवानकी पेगी तसाईलाई नियुक्त गरेको हो । एमडिआरटिले सन् २०२३ को एमडिआरटी सम्मेलनका लागि ताइवानकी तसाईलाई जिम्मेवारी दिएको हो ।
पेगी सिन कोङ लाइफ इन्स्योरेन्स कम्पनीको सल्लाहकार छिन् । एमडिआरटी परिवार र ब्राण्डलाई डिजिटल प्ल्याटफर्मबाट विश्व बजारमा विस्तार गर्न उनलाई यस्तो जिम्मेवारी दिइएको एमडिआरटी परिवारले जनाएको छ ।
ट्यासी सन् २०२२ को एमडिआरटी कार्यकारी समितिको सदश्यमा थिइन । उनले सन् २०२३ को एमडिआरटी सम्मेलनको एक्जुकेटिभ कमिटीमा अध्यक्ष बन्ने मौका पाइन् । उनिले विगत २१ वर्षदेखि लगातार एमडिआरटीको मेम्बरसिप लिदै आएकी छिन् । ट्यासी आठ पटक कोर्ट अफ दि टेवल र ६ पटक टप अफ दि टेवलमा सहभागी भइसकेकी छिन् । उनि एमडिआरटी फाउन्डेशनको डायमण्ड नाइट र २०२० को इनर साइकल सोसाइटीको सदश्य भइसकेकी छिन् । तसाईले टाइवानको सिन कोङ लाइफ इन्स्योरेन्स कम्पनीमा लगातार ७ वर्ष नम्बर वान बिक्रीकर्ताको उपाधि जित्न सफल भइन् । उनले आफ्नो क्षेत्रमा बीमाको माध्यम मार्फत असंख्य मानिसहरुलाई वित्तीय सेवा प्रदान गरेकी छिन् ।
