काठमाडौं । सिटी एक्सप्रेस मनी ट्रान्सफरबाट रकम पठाउँदा सुन जित्ने मौका रहेको छ । मनी ट्रान्सफले नेपालीहरुको महान चाड दशैँ, तिहार र छठलाई लक्षित गरेर ‘विदेशबाट सिटी आयो, दशैं तिहारलाई गोल्डेन बनायो’ उपहार योजना घोषणा गरेको हो ।
यस योजना ६३ दिनसम्म चल्ने जनाएको छ । यस योजना भदौ १५ आजदेखि सुरु भएर कात्तिक १५ गतेसम्म सञ्चालन हुने छ । सिटी एक्सप्रेसको उपहार योजनाअन्तर्गत लक्की ड्रमार्फत् हरेक महिना १ जनालाई १ तोला सुन, हरेक हप्ता १ जनालाई १० तोला चाँदी र ६३ दिन लगातार हरेक दिन १६ जना विजेताहरुलाई आकर्षक गिफ्ट ह्याम्पर र अन्त्यमा एक जना भाग्यशाली बम्पर विजेतालाई ५ तोला सुन उपहार प्रदान गरिनेछ ।
यस अवधिभरी सिटी एक्सप्रेसमार्फत् देश विदेशबाट पैसा पठाउने सम्पूर्ण सेवाग्राहीले यो उपहार योजनामा सहभागी हुन पाउने छन् । उपहारको विजेता छनौट गर्दा विद्युतीय प्रणालीद्वारा गरिनेछ र योजना सिटी एक्सप्रेसमा कार्यरत कुनै पनि कर्मचारीलाई लागू हुने छैन ।
