काठमाडौं । नेपालमा पछिल्लो २४ घण्टामा थप २५७ जनामाा कोरोना संक्रमण पुष्टि भएको छ । सोेहि समय २३२ जना भने कोरोना संक्रमणबाट मुक्त भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा ३ हजार ९२१ जनामा कोरोना परिक्षण गरिएको थियो । जसमध्ये १ हजार ४५८ जनामा गरिएको आरटी पिसीआर परिक्षणमा १४३ जनामा कोरोना संंक्रमण पुष्टि भएको थियो । साथै २ हजार ४६३ जनामा गरिएको एन्टिजेन परिक्षणमा ११४ जनामा कोरोना संक्रमण पुष्टि भएको मन्त्रालयले जनाएको छ ।
साथै आज थपिएका संक्रमितसँगै नेपालमा सक्रिय कोरोना संक्रमितको संख्या ३ हजार १४६ पुगेको छ ।
