काठमाडौं । आज शुक्रबार नेप्से परिसूचक १६ दशमलव ९३ अंकले घटेर २०२२ को विन्दुमा कायम भएको छ । आज १० कम्पनकिो मात्र शेयर मुल्य बढेको छ भने १७२ कम्पनीको शेयर मुल्य घटेको छ । आज लाइफ इन्स्योरेन्स कम्पनीको शेयरमा लगानीकर्ताको आकर्षण बढेको छ । आज सबै उपसूचक घट्दा जीवन बीमा उपसूचक ० दशमलव ३१ प्रतिशतले बढेको छ ।
आज दिनभरिमा २१३ कम्पनीको ३५ लाख ८८ हजार ८३३ कित्ता शेयर किनबेच हुँदा १ अर्ब २९ करोड ४८ लाख ३२ हजार रुपैयाँको शेयर कारोबार भएको छ । आज सबैभन्दा धेरै हिमाल दोलखा हाइड्रोपावर कम्पनीको शेयर कारोबार भएको छ । कम्पनीको ६ करोड ६८ लाख रुपैयाँको शेयर कारोबार भएको छ । रिडी पावर कम्पनीको ५ करोड ८७ लाख रुपैयाँको शेयर कारोबार भएको छ ।
त्यस्तै, अरुण कावेली पावरको ४ करोड ७४ लाख रुपैयाँको शेयर कारोबार भएको छ । राद्यी विद्युत कम्पनीको ४ करोड २८ लाख रुपैयाँको शेयर कारोबार भएको छ । नेपाल टेलिकमको ३ करोड ९० लाख रुपैयाँको शेयर कारोबार भएको छ ।
आज सबैभन्दा धेरै एलआइसी नेपालका लगानीकर्ताले कमाएका छन् । कम्पनीका लगानीकर्ताले ५ दशमलव ९५ प्रतिशतका दरले कमाएका हुन् । अपर हेवाखोला हाइड्रोपावर कम्पनीका लगानीकर्ताले ५ दशमलव ३८ प्रतिशतका दरले कमाएका छन् । एनआइसी एशिया ग्रोथ फण्डका इकाईधनीले ३ दशमलव ९९ प्रतिशतका दरले कमाएका छन् ।
आज सबैभन्दा धेरै पञ्चकन्यामाई हाइड्रोपावर कम्पनीका लगानीकर्ताले गुमाएका छन् । कम्पनीका लगानीकर्ताले ४ दशमलव ८८ प्रशितका दरले गुमाएका हुन् ।
