काठमाडौं । नेपालमा पछिल्लो २४ घण्टामा थप ८४८ जनामा कोरोना संक्रमण पुष्टि भएको छ । सोहि समय कोरोना संक्रमणबाट थप एक जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा ५ हजार ६१९ जनामा कोरोना संक्रमण परिक्षण गरिएको थियो । जसमध्ये २ हजार ७२२ जनामा गरिएको आरटीपीसिआर परिक्षणमा ३९९ जनामा कोरोना पुष्टि भएको हो । साथै २ हजार ८९७ जनामा गरिएको एन्टीजेन परिक्षणमा ४४९ जनामा कोरोना संक्रमण देखिएको मन्त्रालयले जनाएको छ ।
आज थपिएका संक्रमितसँगै नेपालमा सक्रिय कोरोना संक्रमितको संख्या ५ हजार २५९ जना पुगेको छ । साथै आज ५२६ जना भने कोरोना मुक्त भएका छन् ।
