अब देखि बैदेशिक रोजगारमा जाने कामदारले सरकारद्धारा सञ्चालिन स्वास्थ्य बीमा गरेको हुनुपर्नेछ । सामाजिक स्वास्थ्य बीमा नियमावली २०७५ मा गरिएको व्यवस्था कामदारले श्रम स्वीकृति लिदाँ अनिवार्य रुपमा स्वास्थ्य बीमाको परिचाय पत्र समेत समावेश गरेको हुनुपर्नेछ । तर, स्वास्थ्य बीमा कार्यक्रम लागू नभएका जिल्लाको हकमा भने यो व्यवस्था अनिवार्य गरिएको छैन ।
स्वास्थ्य बीमा कार्यक्रमलाई थप प्रभावकारी बनाउँन सरकारले यस्तो खालको व्यवस्था गरेको बोर्डले बताएको छ ।
नागरिकको स्वास्थ्य रहन पाउँने अधिकारलाई सुरक्षित गर्न सरकारले स्वास्थ्य बीमा कार्यक्रम सञ्चालन गरेको हो । कार्यक्रम सञ्चालन गर्न स्वास्थ्य बीमा बोर्डले गाउँ गाउँमा दर्ता सहयोगी खटाएको छ । दर्ता सहयोगीको मार्फत कार्यक्रममा सहभागी सकिने छ ।
त्यसैगरी बीमा व्यवस्थापन सूचना प्रणाली मार्फत विद्युतीय दर्ता प्रणाली मार्फत पनि कार्यक्रममा सहभागी हुन सकिने छ । कार्यक्रममा आबद्ध हुनका लागि सरकार वा अन्र्तगतको निकायबाट जारी गरिएको परिचय खुल्ने जुनसुकै लिखतलाई आधार मान्न सकिनेछ ।
