नेपालमा सञ्चालित जीवन बीमा कम्पनीहरु मध्ये युनियन लाईफ इन्स्योरेन्स शाखा विस्तारमा आक्रमक देखिएको छ । अघिल्लो बर्ष देखि मात्रै सञ्चालनमा आएको कम्पनीले बीमा समिति बाट १८४ वटा शाखा सञ्चालनको अनुमती लिएको छ । यो संख्या नयाँ जीवन बीमा कम्पनीहरु मध्ये सबैभन्दा धेरै हो ।
नयाँ कम्पनी मध्ये सिटिजन्स लाईफ इन्स्योरेन्स ११५ वटा शाखा सञ्चालनको अनुमती लिएको छ भने प्रभु लाईफ इन्स्योरेन्स कम्पनीले १२२ वटा शाखा सञ्चालनको अनुमती पाएको छ । ज्योति लाईफले भने १०१ वटा शाखा सञ्चालनको अनुमती लिएको छ । पुराना कम्पनीमध्ये नेपाल लाईफ इन्स्योरेन्स कम्पनीको पहुँच बढी देखिएको छ ।
उक्त कम्पनीले बीमा समितिबाट मुलुकभर १९८ वटा शाखा सञ्चालनको अनुमती पाएको छ । नेशनल लाईफ इन्स्योरेन्स कम्पनीले भने १०८ वटा शाखा सञ्चालनको अनुमती लिएको छ । प्राईम लाईफ इन्स्योरेन्सले १२६ वटा शाखा सञ्चालनको अनुमती लिएको छ ।
बीमा कम्पनी बाट शाखा सञ्चालन अनुमती पाए पनि कतिपय कम्पनीहरुले शाखा सञ्चालन गरेका छैनन् । प्रतिस्पर्धाको लागि भने कम्पनीहरुले पहिले नै अनुमती लिने प्रवृति छ ।
