काठमाडौं । प्रोभिजनिङका कारण एलआईसी नेपालको मुनाफामा भारि गिरावट आएको छ । कम्पनीले चालु आर्थिक वर्षको तेस्रो त्रैमाशिक अवधिमा १५ करोड १२ लाख रुपैयाँ प्रोभिजनिङ गरेको छ । यस अवधिमा कम्पनीको मुनाफा ६ करोड रुपैयाँ मात्रै छ । जवकी गत वर्षको यहि अवधिमा १५ करोड ३७ लाख रुपैयाँ मुनाफा थियो ।
खुद बीमा शुल्क आर्जनमा पनि सामान्य सुधार देखिएको छ । कम्पनीले यस अवधिमा १३ अर्ब ६२ करोड रुपैयाँ खुद बीमा शुल्क आर्जन गरेको छ । गत वर्षको यहि अवधिमा १३ अर्ब ५९ करोड रुपैयाँ थियो ।
खुद बीमा शुल्क आर्जन सँगै कम्पनीको जीवन बीमा कोष पनि १६ प्रतिशतले बढेको छ । यस अवधिमा यस्तो कोषमा ९० अर्ब रुपैयाँ नाघेको छ । जवकी गत वर्षको यहि अवधिमा ७७ अर्ब ५४ करोड रुपैयाँ थियो ।
दाबी भुक्तानी ६ अर्ब ६१ करोड रुपैयाँ रहेको छ । अभिकर्ता कमिशन भने घटेको छ । अभिकर्ताले यस अविधमा एक अर्ब २९ करोड रुपैयाँ कमिशन प्राप्त गरेका छन् ।
कम्पनीको चुक्ता पूँजी २ अर्ब ६५ करोड रुपैयाँ रहेको छ भने जगेडा कोषमा ७० करोड ९० लाख रुपैयाँ जम्मा भएको छ ।
