काठमाडौं । भारतीय बीमा नियामक तथा विकास प्राधिकरण(आइआरडिएआइ)ले बीमा कम्पनीहरूको लगानीको सीमालाइ खुकुलो गरेको छ । बैंक, वित्तीय संस्था तथा बीमा बिएफअइ कम्पनीहरूको शेयरमा कूल लगानीको ३० प्रतिशतसम्म लगानी गर्न छुट दिएको हो । यसअघि यो जम्मा २५ प्रतिशतमा सीमित रहेको थियो ।
भारतीय जीवन बीमा निगम (एलआइसी) को प्राथमिक शेयर निष्काशन हुनु अघि लगानीको सीमा बढाइएको छ । आइआरडिएआइले बीमा कम्पनीहरूको मुनाफा वृद्धिमा टेवा पुग्ने अपेक्षासहित तुलनात्मकरूपमा बढी जोखिमसँगै बढी मुनाफा दिने बैंक, वित्तीय संस्था तथा बीमा कम्पनीहरूको शेयरमा लगानीको सीमा वृद्धि गरेको हो ।
आईआरडीएआईले २९ अप्रिलमा जारी गरेको परिपत्रमा परिवर्तनको घोषणा गरिएको थियो। सामान्यतया, ७० देखि ७५ प्रतिशतसम्म भारतीय बीमा कम्पनीहरूको लगानी सरकारी बचत पत्र, राज्य सरकारको ऋणपत्र र पूर्वाधार ऋण पत्रमा केन्द्रित रहेको छ । यो क्षेत्र तुलनात्मकरूपमा सुरक्षित मानिए पनि प्रतिफलको दृष्टीकोणले कमजोर हुन्छ ।
