काठमाडौं । प्राइम कमर्सियल बैंक लिमिटेडको ऋणपत्र बाँडफाँड भएको छ । चैत १६ गतेदेखि ३० गतेसम्म विक्री गरेको ऋणपत्र बैशाख १२ गते बाँडफाँड गरेको हो । बैंकले १० वर्षे अवधिको प्रतिकित्ता १ हजार अंकित मूल्यका २ अर्ब ५० करोड बराबरको २५ लाख कित्ता ऋणपत्र बाँडफाँड गरेको हो ।
कुल कित्ता ऋणपत्रमध्ये बैंकले १ अर्ब ५० करोड बराबरको १५ लाख कित्ता भने व्यक्तिगत तवरबाट विक्री गरेको थियो भने १ अर्ब बराबरको १० लाख कित्तामध्ये सामूहिक लगानी कोषका लागि ५० हजार कित्ता छुट्याई बाँकी ऋणपत्र सार्वजनिक निष्काशनमार्फत विक्री गरेको थियो ।
बैंकले ‘१० प्रतिशत प्राइम डिबेन्चर २०८८’ नामको ऋणपत्र निष्काशन गरेको हो । ऋणपत्र खरीदका लागि न्यूनतम २५ कित्तादेखि अधिकतम ५ लाख कित्ताका लागि आवेदन दिन सकिने व्यवस्था थियो ।
बाँडफाँडका क्रममा रितपूर्वक आवेदन दिने सबै आवेदकहरुले माग बमोजिमनै ऋणपत्र प्राप्त गरेको बैंकले जनाएको छ । ऋणपत्र निष्काशन तथा विक्री प्रबन्धक आरबिबि मर्चेन्ट बैंकिङ्ग लिमिटेड रहेको छ ।
