काठमाडौं । फर्स्ट माइक्रोफाइनान्सले चालु आर्थिक वर्षको तेस्रो त्रैमासको वित्तीय विवरण प्रकाशन गरेको छ । कम्पनीले यस अवधिसम्ममा १६ करोड ६१ लाख रुपैयाँ खुद मुनाफा आर्जन गरेको छ । गत आर्थिक वर्षको सोही अवधिमा कम्पनीले ११ करोड ३४ लाख खुद नाफा कमाएको थियो । चालु आर्थिक वर्षको तेस्रो त्रैमासको तुलनामा कम्पनीको नाफा ४६ दशलमव ४४ प्रतिशतले बढी हो ।
यस अवधिमा कम्पनीको वितरण योग्य मुनाफा भने ११ करोड ८२ लाख रहेको छ । यस अवधिमा कम्पनीको खुद ब्याज आम्दानी ६० दशमलव १४ प्रतिशतले बढेको छ । यस अवधिमा कम्पनीको खुद ब्याज आम्दानी ३० करोड ७१ लाख रहेको छ ।
९६ करोड ४४ लाख चुक्ता पुँजी भएको कम्पनीको रिजर्भमा ३२ करोड ६३ करोड रहेको छ । कम्पनीको कर्जा सापटी १०.८२ प्रतिशतले बढेर ९ अर्ब ५४ करोड पुगेको छ ।
यस अवधिमा कम्पनीले गत आर्थिक वर्षको सोही अवधिको तुलनामा कर्जा प्रवाह २७ दशमलव ६७ प्रतिशतले बृद्धि गरेको छ । यस अवधिमा कम्पनीले १० अर्ब ४१ अर्ब रुपैयाँ कर्जा लगानी गरेको छ ।
यस अवधिमा कम्पनीको प्रति शेयर आम्दानी २२ रुपैयाँ ९७ पैसा रहेको छ । प्रति शेयर नेटवर्थ ३३ रुपैयाँ ८४ पैसा रहेको छ भने बेस रेट १२ दशमलव ३५ प्रतिशत रहेको छ ।
