काठमाडौं । सरकारले गभर्नर महाप्रसाद अधिकारीलाई निलम्बित गरेको छ । स्रोतका अनुसार सरकारले डेपुटी गभर्नर निलम ढुङ्गानालाई कार्यवहाकको जिम्मेवारी दिएको छ । बिहीबार बसेको मन्त्रिपरिषदको बैठकले अधिकारीलाई निलम्बन गरेको हो ।
विलासी बस्तु आयात रोक्न अर्थ मन्त्रालयले दिएको निर्देशनसम्बन्धी सूचना चुहाएको विषयमा गभर्नर अधिकारी र अर्थमन्त्री जनार्दन शर्मा विच सार्वजनिक कार्यक्रममै आरोप प्रत्यारोप भएको थियो । शर्माले सुरुदेखि नै गर्भनर अधिकारीबाट असहयोग भएको भन्दै उनलाई हटाउने प्रयास गरिरहेका थिए ।
केहि समय अगाडी अधिकारीलाई कोभिड १९ संक्रमण भएको भन्दै विदामा बस्न अर्थमन्त्री शर्माले निर्देशन दिएका थिए । त्यतिवेला अधिकारी लगभग एक महिना विदामा बसेर पुनः कार्यालय फर्किएका थिए । गभर्नर अधिकारीलाई पुर्व अर्थमन्त्री डा. युवराज खतिवडाले नियुक्त गरेका थिए । अधिकारीलाई पुर्व अर्थमन्त्री खतिवडाबाट परिचालित भएको भन्दै आरोप लाग्ने गरेको छ । अहिलेको सरकारलाई असफल बनाउन गभर्नर लागि परेको भन्दै उनि प्रति सरकार असन्तुष्ट थियो ।
