काठमाडौं । जीवन बीमा कम्पनीहरुले माघ महिनासम्ममा २३ अर्ब तीन करोड २६ लाख रुपैयाँ प्रथम बीमा शुल्क आर्जन गरेका छन् । उनिहरुले माघ एक महिनामा मात्रै २ अर्ब ४२ करोड रुपैयाँ आर्जन गरेका छन् । यस महिनामा जीवन बीमा कम्पनीहरुको बीमा शुल्क आर्जन धेरै कम देखिएको छ ।
माघ महिनामा सर्वाधिक धेरै नेपाल लाइफले मात्रै तीन अर्ब ८७ करोड रुपैयाँ प्रथम बीमा शुल्क आर्जन गरेको छ । कम्पनीले माघ महिनासम्ममा भने ४५ करोड ९३ करोड रुपैयाँ प्रथम बीमा शुल्क आर्जन गरेको छ ।
दोस्रो धेरै प्रथम बीमा शुल्क आर्जन गर्नेमा नेशनल लाइफ इन्स्योरेन्स रहेको छ । कम्पनीले माघ महिनामा मात्रै ३३ करोड ९५ लाख रुपैयाँ प्रथम बीमा शुल्क आर्जन गर्दा माघ महिनासम्ममा भने २ अर्ब ५५ करोड रुपैयाँ रहेको छ ।
त्यस्तै तेस्रो धेरै प्रथम बीमा शुल्क आर्जन गरेको लाइफ इन्स्योरेन्स कर्पोरेसनले २० करोड ४८ लाख रुपैयाँ संकलन गरेको छ । माघ महिनासम्ममा भने एक अर्ब ४८ करोड रुपैयाँ आर्जन गरेको छ ।
माघ महिनाको मात्रै प्रथम बीमा शुल्क आर्जन तर्फ सन नेपाल लाइफ चौथो स्थानमा रहेको छ । सन नेपालले माघ महिनामा १८ करोड ८३ लाख रुपैयाँ प्रथम बीमाशुल्क आर्जन गर्दा माघ महिनासम्ममा भने एक अर्ब ४७ करोड रुपैयाँ आर्जन गरेको छ ।
पाँचौ स्थानमा रहेको सिटिजन लाइफले माघ महिनामा मात्रै १५ करोड ४६ लाख रुपैयाँ प्रथम बीमाशुल्क आर्जन गर्दा माघ महिनासम्ममा भने एक अर्ब ६० करोड रुपैयाँ रहेको छ । यस पटक युनियन लाइफको प्रथम बीमा शुल्क आर्जनमा खासै सुधार देखिएको छैन । कम्पनीले ९ करोड ८२ लाख रुपैयाँ मात्रै आर्जन गरेको छ । तर माघ महिनासम्ममा भने एक अर्ब ४५ करोड रुपैया छ ।
माघ महिनामा रिलायवल लाइफले १२ करोड १५ लाख, एशियन लाइफले ११ करोड २६ लाख, सूर्या लाइफले १० करोड ८५ लाख, मेट लाइफले १० करोड ५४ लाख, ज्योति लाइफले १० करोड ७ लाख, युनियन लाइफले ९ करोड ८२ लाख, प्राइम लाइफले ७ करोड ५२ लाख, आइएमई लाइफले ६ करोड ४८ लाख, रिलायन्स लाइफले ५ करोड १२ लाख, गुराँस लाइफले ५ करोड १२ लाख, प्रभु लाइफले ४ करोड ९७ लाख, सानिमा लाइफले ४ करोड ६७ लाख, महालक्ष्मी लाइफले ४ करोड ६० लाख र राष्ट्रिय बीमा संस्थानले ३ करोड ५६ लाख रुपैयाँ प्रथम बीमा शुल्क आर्जन गरेका छन् ।
