काठमाडौं । अभियान लघुवित्त वित्तीय संस्थाले चालू आर्थिकको दोस्रो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीले चालू आर्थिकको दोस्रो त्रैमाससम्ममा १ करोड ३८ लाख नाफा कमाएको छ । कम्पनी गत आर्थिकको दोस्रो त्रैमाससम्म १० लाख ३७ हजार रुपैयाँ ऋणात्मक थियो । चालू आर्थिक वर्षको दोस्रो त्रैमासमा कम्पनीको खुद ब्याज आम्दानी र सञ्चालन नाफामा वृद्धि भएकाले नाफामा सुधार आएको हो ।
कम्पनीले गत आर्थिक वर्षको दोस्रो त्रैमाससम्ममा १ करोड ७४ लाख खुद ब्याज आम्दानी गरेकोमा चालू आर्थिकको सोही अवधिमा वृद्धि भएर ५ करोड ४३ लाख रुपैयाँ पुगेको हो ।
त्यसैगरी, गत आवको दोस्रो त्रैमासमा कम्पनीको सञ्चालन नाफा १० लाख ८९ हजार ऋणात्मक रहेकोमा चालू आर्थिकm वर्षको सोही अवधिमा सुधारिएर २ करोड २० लाख धनात्मक भएको छ ।
कम्पनीले चालू आर्थिक वर्षको दोस्रो त्रैमाससम्ममा १ अर्ब ७३ करोड सापटी लिएर, २४ करोड ६२ लाख निक्षेप संकलन गरेर १ अर्ब ९९ करोड कर्जा लगानी गरेको हो ।
