काठमाडौं । राष्ट्रिय बीमा संस्थानले खुद बीमा शुल्क आर्जन ६.४१ प्रतिशतले बढाएको छ । संस्थानले चालु आर्थिक वर्षको दोस्रो त्रैमाशिक अवधिमा ६ अर्ब ४ करोड रुपैयाँ खुद बीमा शुल्क आर्जन गरेको छ । गत वर्षको यहि अवधिमा कम्पनीले ५ अर्ब ६८ करोड रुपैयाँ खुद बीमा शुल्क आर्जन गरेको थियो । सरकारी कर्मचारीको बीमा गर्दै आएको संस्थाको अधिकांश व्यवसाय नेपाल सरकारले नै सुनिश्चित गरिदिएको छ ।
संस्थानले पुस मसान्तसम्ममा ती करोड रुपैया खुद मुनाफा आर्जन गरेको छ । उक्त मुनाफा गत वर्षको भन्दा १२.१४ प्रतिशतले धेरै हो । गत वर्षको यहि अवधिमा २ करोड ६७ लाख रुपैयाँ मुनाफा आर्जन गरेको थियो । संस्थानको दाबी भुक्तानी ३९ प्रतिशतले बढेको छ ।
यस वर्ष मात्रै संस्थाले २ अर्ब एक करोड रुपैयाँको दाबी भुक्तानी गरेको छ । गत वर्षको यहि अवधिमा भने एक अर्ब ४४ करोड रुपैयाँ दाबी भुक्तानी गरेको थियो ।
स वर्ष अभिकर्ताले ९ करोड ५२ लाख रुपैयाँ कमिसन प्राप्त गरेका छन् । गत वर्षको यहि अवधिमा १४ करोड ४५ लाख रुपैयाँ थियो ।
संस्थानको चुक्ता पूँजी १८ करोड १० लाख रुपैयाँ रहेको छ । जगेडा कोषमा ३८ करोड ७८ लाख रुपैयाँ रहेको छ भने जगेडा कोषमा ३८ अर्ब १४ करोड रुपैयाँ जम्मा भएको छ ।
दीर्घकालिन कर्जा तथा लगानी १२ अर्ब ७ करोड रुपैयाँ रहेको छ भने बीमालेख धितोमा राखेर संस्थानले एक अर्ब ६० करोड रुपैयाँ लगानी गरेको छ ।