काठमाडौं । जाल्पा सामुदायिक लघुवित्तले निष्काशन गरेको प्राथमिक शेयरमा पहिलो दिनमै १५ गुणा बढिको आवेदन परेको छ । संस्थाले सर्वसाधारणका लागि आजदेखि निष्काशन गरेको प्राथमिक शेयरमा ६ लाख भन्दा धेरै आवेदकले ७२ लाख भन्दा बढि कित्ताको लागि आवेदन दिएका छन् ।
संस्थाले १ सय रुपैयाँ अङ्कित दरमा ५ लाख २२ हजार कित्ता साधारण शेयर विक्रीका लागि सार्वजनिक आह्वान गरिरहेको छ । जसमध्ये ८ हजार कित्ता शेयर कर्मचारीहरु तथा सर्वसाधारणलाई छुट्याइएको शेयर मध्येको २६ हजार १०० कित्ता शेयर सामूहिक लगानी कोषका लागि र बाँकी रहने ४ लाख ८७ हजार ९ सय कित्ता साधारण शेयर सर्वासाधारणले पाउने छन् ।
आईपीओ माघ २५ गते सम्म खुला रहने छ । आवेदन दिन बाँकी लगानीकर्ताले लक्की ड्रमा पर्नका लागि १० कित्ताको लागि मात्रै आवेदन दिए पुग्छ । सार्वजनिक निष्काशन तथा बिक्री प्रबन्धकको काम प्रभु क्यापिटल लिमिटेडले गरिरहेको छ । लगानीकर्ताले बिक्री प्रबन्धक प्रभु क्यापिटल र नेपाल धितोपत्र बोर्डबाट स्वीकृती प्राप्त गरेका सम्पूर्ण सि आस्वा सेवामा सहभागी बैंक तथा वित्तीय संस्था र तिनका शाखा कार्यालयहरुबाट आवेदन दिन सक्नेछन् । यसका साथै, मेरो शेयरबाट पनि आवेदन दिन सकिनेछ ।
