काठमाडौं । नेशनल माइक्रोफाइनान्स लघुवित्त वित्तीय संस्था लिमिटेडले चालु आर्थिक वर्ष २०७८/७९ को दोश्रो त्रैमाससम्मको अपरिष्कृत वित्तिय विवरण प्रकाशित गरेको छ । उक्त विवरण अनुसार चालु आर्थिक वर्षको दोश्रो त्रैमाससम्म आइपुग्दा संस्थाले २४ करोड ६१ लाख ३ हजार रुपैयाँ खुद नाफा आर्जन गर्न सफल भएको छ । गत आर्थिक वर्षको सोही अवधिको तुलनामा कम्पनीको नाफा ८३ दशमलव ४३ प्रतिशतले बढि हो । गत वर्षको सोही अवधिमा संस्थाले १३ करोड ४१ लाख ६४ हजार रूपैयाँ खुद नाफा आर्जन गरेको थियो ।
संस्थाको चुक्ता पुँजी ५८ करोड ७७ लाख ७५ हजार रुपैयाँ र जगेडा कोषमा ५९ करोड ४१ लाख ८३ हजार रुपैयाँ सञ्चित रहेको छ ।
समिक्षा अवधिसम्म संस्थाको खुद व्याज आम्दानी पनि ७२ दशमलव २१ प्रतिशतले बढेर ४४ करोड ४० लाख ६५ हजार रूपैयाँ पुगेको छ । गत वर्षको सोेही अवधिमा संस्थाको खुद व्याज आम्दानी २५ करोड ७८ लाख ६२ हजार रूपैयाँ रहेको थियो ।
दोश्रो त्रैमाससम्म आइपुग्दा सस्थाको सञ्चालन मुनाफा ८३ दशमलव ४३ प्रतिशतले बढेर ३९ करोड ६ लाख ४० हजार रूपैयाँ पुगेको छ । गत वर्ष संस्थाले २१ करोड २९ लाख ५९ हजार रूपैयाँ सञ्चालन मुनाफा गरेको थियो ।
यस अवधिमा संस्थाको प्रतिशेयर आम्दानी ८३ रुपैयाँ ६७ पैसा र प्रतिशेयर नेटवर्थ २०१ रुपैयाँ २८ पैसा रहेको छ ।
