काठमाडौं । मानुषी लघुवित्त वित्तीय संस्था लिमिटेडले चालु आर्थिक वर्ष २०७८/७९ को दोश्रो त्रैमाससम्मको अपरिष्कृत वित्तिय विवरण प्रकाशित गरेको छ । चालु आर्थिक वर्षको दोश्रो त्रैमाससम्म आइपुग्दा संस्थाले १ करोड ५१ लाख ३१ हजार रुपैयाँ खुद नाफा आर्जन गर्न सफल भएको छ । गत वर्षको सोही अवधिमा संस्थाको खुद मुनाफा ४६ लाख ५५ हजार रूपैयाँ मात्र थियो ।
त्यस्तै, संस्थाको चुक्ता पुँजी १० करोड ९३ लाख ७५ हजार रुपैयाँ र जगेडा कोषमा ४ करोड ८१ लाख १८ हजार रुपैयाँ सञ्चित रहेको छ ।
समिक्षा अवधिसम्म संस्थाको खुद व्याज आम्दानी २८ दशमलव ७६ प्रतिशतले बढेको छ । यस अवधिमा संस्थाले ४ करोड ९४ लाख ४२ हजार रूपैयाँ खुद ब्याज आम्दानी गरेको छ । गत वर्षको सोही अवधिमा संस्थाको खुद व्याज आम्दानी ३ करोड ८३ लाख ९८ हजार रूपैयाँ रहेको थियो ।
यस अवधिमा संस्थाको सञ्चालन मुनाफा २ करोड ४० लाख २० हजार रूपैयाँ रहेको छ । गत वर्ष संस्थाको यस्तो मुनाफा ४६ लाख ५५ हजार रूपैयाँ रहेको थियो ।
यस अवधिमा संस्थाको प्रतिशेयर आम्दानी२७ रुपैयाँ ६७ पैसा रहेको छ भने संस्थाको प्रतिशेयर नेटवर्थ १४३ रुपैयाँ ९९ पैसा रहेको छ ।
