काठमाडौं । वोमी लघुवित्त वित्तीय संस्था लिमिटेडले चालु आर्थिक वर्ष २०७८/७९ को दोश्रो त्रैमाससम्मको अपरिष्कृत वित्तिय विवरण प्रकाशित गरेको छ । उक्त विवरण अनुसार चालु आर्थिक वर्षको दोश्रो त्रैमाससम्म आइपुग्दा संस्थाले ८ करोड ७७ लाख ९ हजार रुपैयाँ खुद नाफा आर्जन गर्न सफल भएको छ । गत वर्षको सोही अवधिको तुलनामा कम्पनीको नाफा ६५ प्रतिशतले बढि हो । गत वर्षको यस अवधिमा संस्थाले ५ करोड ३१ लाख ३२ हजार रूपैयाँ खुद नाफा आर्जन गरेको थियो ।
संस्थाको चुक्ता पुँजी ४९ करोड ४३ लाख ३३ हजार रुपैयाँ र जगेडा कोषमा ३० करोड ८६ लाख ६३ हजार रुपैयाँ सञ्चित रहेको छ ।
समिक्षा अवधिसम्म संस्थाको खुद व्याज आम्दानी पनि ७७ दशमलव ४८ प्रतिशतले बढेर २० करोड ७४ लाख २४ हजार रूपैयाँ पुगेको छ । गत वर्षको यस अवधिमा संस्थाको खुद व्याज आम्दानी ११ करोड ६८ लाख ६८ हजार रूपैयाँ रहेको थियो ।
दोश्रो त्रैमाससम्म आइपुग्दा संस्थाको सञ्चालन मुनाफा पनि ६१ दशमलव ९४ प्रतिशतले बढेर १३ करोड ६५ लाख ६६ हजार रूपैयाँ पुगेको छ । गत वर्ष संस्थाले ८ करोड ४३ लाख ३६ हजार रूपैयाँ मात्र सञ्चालन मुनाफा गरेको थियो ।
संस्थाको प्रतिशेयर आम्दानी ३५ रुपैयाँ ४९ पैसा रहेको छ । संस्थाको प्रतिसेयर नेटवर्थ १६२ रुपैयाँ ४४ पैसा रहेको छ ।
