काठमाडौं । मेगा बैंक नेपालले आफ्ना शेयरधनीलाई पुरानो लाभांश लिन आग्रह गरेको छ । पश्चिमाञ्चल डेभलपमेण्ट बैंक, टुरिजम डेभलपमेण्ट बेंक र गण्डकी विकास बैंकका विभिन्न साधारण सभाबाट पारित भएको नगद लाभांश हालसम्म पनि बुझिलिन नआएको भन्दै बैंक एक सुचना जारी गर्दै यस्तो जनाएको छ ।
शेयरधनीहरुले सूचना प्रकाशित भएको मितिले ३५ दिनभित्र कम्पनीको शेयर रजिष्ट्रार मेगा क्यापिटलमा सम्पर्क गरी लाभांश लिन सक्ने बैंकले जनाएको छ । यस अवधिभित्र लाभांश रकम लिन नआएमा पाँच वर्ष पूरा भई भुक्तानी गर्न बाँकी रहेको लाभांश रकम कम्पनी ऐन बमोजिम लगानीकर्ता संरक्षण कोषमा जम्मा हुने बैंकले जनाएको छ ।
