काठमाडौं । ग्लोबल आइएमई लघुवित्त वित्तीय संस्था दोस्रो त्रैमासिक अवधिमा २२.२५ प्रतिशतले मुनाफा बढाउन सफल भएको छ । संस्थाले ६ महिनाको अवधिमा १४ करोड ७८ लाख रुपैयाँ मुनाफा आर्जन गरेको छ । गत वर्षको यहि अवधिमा संस्थाले १२ करोड ९ लाख रुपैयाँ मुनाफा आर्जन गरेको थियो ।
संस्थाले बरोइङ ४७.७८ प्रतिशतले बढाएर ४ अर्ब ६५ करोड रुपैयाँ भित्र्याएको छ । बरोइङ सँगै कर्जा विस्तार पनि ७१.६४ प्रतिशतले बढाएको छ । संस्थाले दोस्रो त्रैमासिक अवधिमा ७ अर्ब ६९ करोड रुपैयाँ कर्जा विस्तार गरेको छ ।
संस्थाको खुद व्याज आम्दानी ५५.९९ प्रतिशतले बृद्धि भएको छ । गत वर्ष १९ करोड ४७ लाख रुपैयाँ खुद व्याज आम्दानी आर्जन गरेको संस्थाले यस वर्षमा ३० करोड ३७ लाख रुपैयाँ आर्जन गरेको छ । संस्थाको चुक्ता पूँजी ५५ करोड २५ लाख रुपैयाँ पुगेको छ भने जगेडा कोषमा ३६ करोड ५४ लाख रुपैयाँ जम्मा भएको छ । मुनाफामा सुधार सँगै प्रतिशेयर आम्दानी पनि ५३ रुपैयाँ पुर्याउन सफल भएको छ ।
