काठमाडौं । आज बिहिबार सुनको भाउ बढेको छ । हिजो बुधबार तोलामा ९२ हजार रुपैयाँमा कारोबार भएको छापावाला सुनको भाउ आज तोलामा ५ सय रुपैयाँले बढेर प्रतितोला ९२ हजार ५ सय रुपैयाँमा कारोबार भइरहेको नेपाल सुन चाँदी व्यवसायीले जनाएको छ ।
त्यस्तै, तेजाबी सुनको भाउ पनि तोलामा ५ सय रुपैयाँले नै बढेर प्रतितोला ९२ हजारमा कारोबार भइरहेको छ । आज चाँदीको भाउ पनि तोलामा २० रुपैयाँले बढेर तोलाको १२ सय ५५ रुपैयाँमा कारोबार भइरहेको छ ।
हिजो बुधबार छापावाला सुनको मूल्य तोलाको ९२ हजार रुपैयाँ र तेजावी सुन प्रतितोला ९१ हजार ५०० रुपैयाँमा कारोबार भएको थियो । बुधबार चाँदी तोलाको १ हजार २३५ रुपैयाँमा कारोबार भएको थियो ।
