काठमाडौं । एलआइसी नेपालले बालबालिकाको लागि बाल समृद्धि नामक बीमा योजना ल्याउने भएको छ । बीमा समितिबाट स्वीकृत प्राप्त गरी आगामी साता यस योजनालाई बजारमा ल्याउने कम्पनीले बताएको छ ।
यस योजानामा बालबालिका १६ वर्ष हुँदासम्म बुझाएको बीमा शुल्कले २० वर्ष हुँदासम्म जोखिम बहन हुनेछ । त्यसैगरी दुर्घनावश कथमकदाचित प्रस्तावकको अस्वभाविक तवरले जीउ ज्यान गुमाएमा प्रत्येक बीमालेख महिना दिवसमा बीमाङ्कको १ प्रतिशत रकम मासिक आम्दानीको रुपमा भुक्तानी गरिने र बाँकी सम्पूर्ण बीमा शुल्कहरु मिनाहा भई बीमालेख चालू अवस्थामा रहने कम्पनीले जनाएको छ ।
त्यसैगरी बालबालिका १६ वर्ष पुगे पछिको १६, १७,१८,१९ र २० औं जन्मदिन पछिको बीमा वर्ष दिवसमा बीमाङ्कको २० प्रतिशतका दरले अग्रिम रुपमा रकम भुक्तानी धन फिर्ता पनि गरिने कम्पनीले जनाएको छ ।