काठमाडौं । सिभिल बैंकले लाभांश घोषणा गरेको छ । पुस ५ गते बसेको सञ्चालक समितिको बैठकले गत आर्थिक वर्ष २०७७/७८ को मुनाफाबाट ५ प्रतिशत बोनश शेयर र बोनश शेयरमा लाग्ने कर प्रयोजनका लागि ०.२६ प्रतिशत नगद लाभांश घोषणा गरेको हो ।
बैंकको हालको चुक्ता पूँजी ८ अर्ब ६४ करोड रुपैयाँ रहेको छ । प्रस्तावित ४३ करोड २१ लाख रुपैयाँको बोनश शेयर वितरण पछि बैंकको चुक्ता पूँजी ९ अर्ब ७ करोड रुपैयाँ पुग्नेछ ।
प्रस्तावित लाभांश नेपाल राष्ट्र बैंकबाट स्वीकृत भए पछि मात्रै बैंकले साधारणसभामा पेश गर्न पाउनेछ । साधारणसभाले पारित गरेपछि मात्रै शेयरधनीहरुले प्राप्त गर्ने छन् ।
