काठमाडौं । आज शेयर बजार नेप्से परिसूचक १७ दशमलव ९३ अंकले घटेर २,३५८ दशमलव ८१ को विन्दुमा कायम भएको छ । आज उत्पादनमुलक र माइक्रोफाइनानस बाहेक सबै उपसूचक घटेका छन् । आज ४३ वटा कम्पनीको शेयर मुल्य बढेको छ भने १४३ वटा कम्पनीको शेयर मुल्य घटेको छ ।
आज दिनभरिमा २३१ वटा कम्पनीको ५४ करोड ३९ लाख ८७ कित्ता शेयर किनबेच हुँदा २ अर्ब ४६ करोड ४६ लाख ८९ हजार रुपैयाँको शेयर कारोबार भएको छ । आज सबैभन्दा धेरै गोर्खाज फाइनान्स कम्पनीको शेयर कारोबार भएको छ । कम्पनीको १९ करोड २७ लाख रुपैयाँको शेयर कारोबार भएको छ ।
त्यस्तै, हिमालयन डिस्टीलरीको १८ करोड ६६ लाख रुपैयाँको शेयर कारोबार भएको छ । कृषि विकास बैंकको ९ करोड ४४ लाख रुपैयाँको शेयर कारोबार भएको छ । नविल बैंकको ८ करोड ३६ लाख रुपैयाँको शेयर कारोबार भएको छ । मञ्जुश्री फाइनान्स कम्पनीको ७ करोडमाथिको शेयर कारोबार भएको छ ।
आज सबैभन्दा धेरै गोर्खाज फाइनान्स कम्पनी र हिमालयन डिस्टीलरीका लगानीकर्ताले कमाएका छन् । कम्पनीका लगानीकर्ताले १० प्रतिशतका दरले कमाएका हुन् । कृषि विकास बैंकका लगानीकर्ताले ४ दशमलव ९९ प्रतिशतका दरले कमाएका छन् । महुली लघुवित्तका लगानीकर्ताले ४ प्रतिशतभन्दा बढीका दरले कमाएका छन् ।
त्यस्तै, आज सबैभन्दा धेरै माउन्टेन इनर्जी कम्पनीका लगानीकर्ताले गुमाएका छन् । कम्पनीका लगानीकर्ताले ६ प्रतिशतका दरले गुमाएका हुन् ।
