काठमाडौं । एनआरएन इन्फ्रास्ट्रक्चर एण्ड डेभलपमेण्ट लिमिटेडले आर्थिक वर्ष २०७७/७८ को मुनाफाबाट आफ्ना शेयरधनीलाई वितरण गर्ने लाभांश प्रस्ताव गरेको छ । कम्पनीको पुस २ गते बसेको सञ्चालक समितिको बैठकले उक्त निर्णय गरेको हो । कम्पनीले ५ प्रतिशत बोनश शेयर र शून्य दशमलव २६ प्रतिशत नगद लाभांश वितरण गर्ने प्रस्ताव गरेको हो ।
कम्पनीले उक्त लाभांश पारितका लागि कम्पनीले आगामी पुस २९ गते साधारण सभा गर्ने जानकारी गराएको छ । साथै उक्त साधारण सभा र लाभांश वितरण प्रयोजनको लागि पुस १५ गते एक दिन शेयरधनीदर्ता पुस्तिका बन्द गर्ने भएको छ । त्यसकारण पुस १४ गतेसम्म कायम शेयरधनीले साधारण सभामा भाग लिन र लाभांश पाउनेछन् ।
