जिबन बीमा कम्पनी रिलायबल नेपाल लाइफ इन्स्योरेन्सले चालु आर्थिक बर्षको दोश्रो त्रैमासिकमा आकर्षक मुनाफा सहितको वित्तीय विवरण प्रकशित गरेको छ, कम्पनीले ६ महिनाको अबधिमा ९ करोड ९२ लाख खुद मुनाफा आर्जन गरेको छ ।
सो अबधिमा कम्पनीले ५४ करोड ३१ लाख कुल बीमा शुल्क आम्दानी गरेको छ, बीमा शुल्क आम्दानीको हिसाबले कम्पनीले ठुलो फड्को मारेको देखिन्छ । स्थापनाको समय देखिनै मुनाफाको हिसाबले अग्रता लिएको कम्पनीले बीमा शुल्क आर्जनको हिसाबले नयाँ संचालित जिबन बीमा कम्पनीहरु मध्ये दोश्रो स्थान हासिल गर्न सफल भएको छ ।
कम्पनीको जिबन बीमा कोषको आकार समेत आकर्षक बन्दै गएको छ, कम्पनीले आफ्नो जगेडा कोषमा २७ करोड ३४ लाख जम्मा गरेको छ जुन नयाँ संचालित जिबन बीमा कम्पनीहरु मध्ये उच्च हो ।
इन्स्योरेन्सको कुल कायम बीमालेख संख्या ३ लाख २४ हजार ४ सय २७ रहेको जनाएको छ। कम्पनीले जारी गरेको बीमालेख संख्याको आधार हेर्दा कम्पनीले बिमांक रकमका साथ-साथै बिमालेख संख्या विस्तार गर्नमा समेत जोड गरेको देखिन्छ, जुन बीमा कम्पनीहरुका लागि दिर्घकालिन रुपमा राम्रो मानिन्छ। कम्पनीले महा-बिपत्ति जगेडा कोषमा १ करोड १० लाख जम्मा गरेको छ।
एक अर्ब ४० करोड रुपैयाँ चुक्ता पूँजी भएको इन्स्योरेन्सको जगेडा कोषमा १७ करोड ४२ लाख रुपैयाँ सञ्चित छ । कम्पनीको जीवन बीमा कोषमा २७ करोड ३४ लाख रहेको छ । कम्पनीले ६० करोडको सर्बसाधारण शेयर निष्कासन गर्ने प्रक्रिया अगाडि बढाएको छ।
