काठमाडौं । सिभिल बैंकले ३२ हजार ६६३ कित्ता संस्थापक शेयर विक्री गर्ने भएको छ । कम्पनीले आफ्ना पाँच जना सस्थापक शेयरधनीको उक्त शेयर विक्री गर्न लागेको जनाएको छ ।
उक्त शेयरमा कम्पनीका संस्थापक शेयरधनीले मात्र आवेदन दिन सक्नेछन् । शेयर खरीद गर्न इच्छुक संस्थापकले मंसिर २६ गतेबाट ३५ दिन भित्र कम्पनीको केन्द्रीय कार्यालय सुन्धारा, काठमाडौंमा निवेदन दिन बैंकले आग्रह गरेको छ ।
बैंकले तोकेको समय अवधिमा कुनै पनि संस्थापकबाट उक्त शेयरका लागि कुनै आवेदन नपरेमा सर्वसाधारण, अन्य व्यक्ति वा संस्थालाई शेयर विक्री गर्ने कम्पनीले जनाएको छ ।
